login
പൂങ്കാവനം പദ്ധതി അട്ടിമറിച്ചു; ക്ഷേത്ര പരിസരത്ത് പൂന്തോട്ടത്തിനു പകരം കപ്പ നടാനൊരുങ്ങി ദേവസ്വം ബോര്‍ഡ്; ആദ്യം ഘട്ടത്തില്‍ 58 അമ്പലങ്ങള്‍

അഞ്ച് വര്‍ഷങ്ങള്‍ മുന്‍പ് തിരുവിതാംകുര്‍ ദേവസ്വം ബോര്‍ഡ് പൂങ്കാവനം പദ്ധതി നടപ്പാക്കിയിരുന്നു ക്ഷേത്രങ്ങളില്‍ മനോഹരമായ പൂന്തോട്ടം ഒരുക്കി ശബരിമല ഉള്‍പ്പെടെയുള്ള ക്ഷേത്രങ്ങങ്ങളിലേക്ക് ആവശ്യമായ പൂക്കള്‍ സംഭരിക്കുക എന്നുള്ളതായിരുന്നു ലക്ഷ്യം. എന്നാല്‍ പദ്ധതിയാകെ അട്ടിമറിക്കപ്പെട്ടു.

ഹരിപ്പാട്: തിരുവിതാംകൂര്‍ ദേവസ്വം ബോര്‍ഡിന്റെ കീഴിലുള്ള ക്ഷേത്രഭൂമികളില്‍ മരച്ചീനി കൃഷിക്കും, തെങ്ങ്, വാഴ, ചേമ്പ് തുടങ്ങിയവ നട്ടുവളര്‍ത്താനും ദേവഹിതം പദ്ധതിയുടെ പേരില്‍ നീക്കം ആരംഭിച്ചു. തിരുവിതാംകൂര്‍ ദേവസ്വം ബോഡ് അംഗം കെ.എസ്. രവി ഔചാരിക ഉദ്ഘാടനം ഹരിപ്പാട്ട് നിര്‍വഹിച്ചു. ഹരിപ്പാട് ഗ്രൂപ്പിലെ 58 ക്ഷേത്രങ്ങളിലാണ് പദ്ധതി ആദ്യം നടപ്പാക്കുന്നത്.

അഞ്ച് വര്‍ഷങ്ങള്‍ മുന്‍പ് തിരുവിതാംകുര്‍ ദേവസ്വം ബോര്‍ഡ് പൂങ്കാവനം പദ്ധതി നടപ്പാക്കിയിരുന്നു ക്ഷേത്രങ്ങളില്‍ മനോഹരമായ പൂന്തോട്ടം ഒരുക്കി ശബരിമല ഉള്‍പ്പെടെയുള്ള ക്ഷേത്രങ്ങങ്ങളിലേക്ക് ആവശ്യമായ പൂക്കള്‍ സംഭരിക്കുക എന്നുള്ളതായിരുന്നു ലക്ഷ്യം. എന്നാല്‍ പദ്ധതിയാകെ അട്ടിമറിക്കപ്പെട്ടു.

ചെടികള്‍ പരിചരിക്കാന്‍ പോലും ആളില്ലാതെ വാടി കരിഞ്ഞു. കാലങ്ങള്‍ മുന്‍പ് ജി.പി. മംഗലത്തുമഠം ദേവസ്വം  മന്ത്രിയായിരിക്കെ ക്ഷേത്രങ്ങളിലെ  തെങ്ങ് കൃഷി ആരംഭിച്ചു. എന്നാല്‍ ഇതും പരിചരിക്കാന്‍ ആളില്ലാതെ നശിച്ച് ക്ഷേത്രപരിസരത്ത് ഇന്നും അവശേഷിക്കുകയാണ്. പരീക്ഷണങ്ങളെല്ലാം പാഴ്‌വേലയായപ്പോള്‍ ദേവ ഹരിതം എന്ന പുതിയ പദ്ധതിക്ക് പേരിട്ട് ഇഷ്ടക്കാര്‍ക്ക് പാട്ടത്തിന് കൊടുക്കുക എന്ന ദുരുദ്ദേശ്യമാണ് ദേവസ്വം ബോര്‍ഡിന്റേത്. ക്ഷേത്ര പരിസരത്ത് കപ്പയിടാന്‍ പദ്ധതി നടപ്പാക്കുമ്പോള്‍ ഇതിന്റെ പിന്നിലും ദുരൂഹതയുണ്ട്.

comment

LATEST NEWS


പ്രതികരിക്കാൻ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.