login
മിന്നലായി മോദി; ലോകം അറിഞ്ഞത് ലേയില്‍ പറന്നിറങ്ങിയ ശേഷം; രാജ്യം ഒപ്പമെന്ന് സൈനികരെ അറിയിച്ചു; അതിര്‍ത്തിയില്‍ ആവേശം

ലേയിലെ സേന വിമാനത്താവളത്തില്‍ നിന്നു വ്യോമസേനയുടെ പ്രത്യേക ഹെലികോപ്റ്ററില്‍ ലഡാക്കിലെ നിമു സൈനിക ക്യാംപിലാണ് എത്തിയത്. പ്രധാനമന്ത്രിയുടെ അപ്രതീക്ഷിത സന്ദര്‍ശനത്തില്‍ സൈനികര്‍ ആവേശത്തിലായി. 11,000 അടി ഉയരത്തിലുള്ള സൈനിക ക്യാംപില്‍ ചുമതലയിലുള്ള ലഫ്. ജനറല്‍ ഹരീന്ദര്‍ സിങ് പ്രധാനമന്ത്രിയോട് കാര്യങ്ങള്‍ വിശദീകരിച്ചു

ലഡാക്ക്: ചൈനയുമായുള്ള സംഘര്‍ഷം ശക്തമായി നിലനില്‍ക്കുന്നതിനിടെ അതിര്‍ത്തി കാക്കുന്ന സൈനികരുടെ ആത്മവിശ്വാസം വാനോളം ഉയര്‍ത്തിയാണ് പ്രധാനമന്ത്രി നരേന്ദ്രമോദിയുടെ ലഡാക്ക് സന്ദര്‍ശനം. പ്രതിരോധ മന്ത്രി രാജ്‌നാഥ് സിങ് ഇന്ന് ലഡാക്ക് സന്ദര്‍ശിക്കും എന്നായിരുന്നു ഇന്നലെ പുറത്തുവന്ന റിപ്പോര്‍ട്ട്. എന്നാല്‍ പ്രതിരോധമന്ത്രിയുടെ സന്ദര്‍ശനം റദ്ദാക്കിയെന്നും രണ്ടു ദിവസത്തിനകം സന്ദര്‍ശിക്കുമെന്നുമടക്കമുള്ള അറിയിപ്പ് വന്നു. അപ്പോള്‍ ഒന്നും പ്രധാനമന്ത്രി നരേന്ദ്ര മോദിയുടെ ലഡാക്ക് സന്ദര്‍ശനം സംബന്ധിച്ച് ഒരു സൂചനയും പുറത്തുവന്നിരുന്നില്ല. ഇന്നു രാവിലെ ലഡാക്കില്‍ നിന്നു അമ്പതു കിലോമീറ്ററോളം അകലെ ലേ വിമാനത്താവളത്തില്‍ പ്രത്യേക വിമാനത്തില്‍ പറന്നിറങ്ങിയ ശേഷമാണ് ഇതു സംബന്ധിച്ച വാര്‍ത്ത ദേശീയ വാര്‍ത്ത ഏജന്‍സികള്‍ക്ക് ലഭിച്ചത്. വിമാനത്തില്‍ സംയുക്ത സൈനിക മേധാവി ബിപിന്‍ റാവത്ത്, കരസേന മേധാവി എം.എം. നരവനെ എന്നിവരും പ്രധാനമന്ത്രിയുടെ ഓഫിസിലെ മൂന്നു ഉന്നത ഉദ്യോഗസ്ഥരുമാണ് ഒപ്പമുണ്ടായിരുന്നത്. 

ലേയിലെ സേന വിമാനത്താവളത്തില്‍ നിന്നു വ്യോമസേനയുടെ പ്രത്യേക ഹെലികോപ്റ്ററില്‍ ലഡാക്കിലെ നിമു സൈനിക ക്യാംപിലാണ് എത്തിയത്. പ്രധാനമന്ത്രിയുടെ അപ്രതീക്ഷിത സന്ദര്‍ശനത്തില്‍ സൈനികര്‍ ആവേശത്തിലായി. 11,000 അടി ഉയരത്തിലുള്ള സൈനിക ക്യാംപില്‍ ചുമതലയിലുള്ള ലഫ്. ജനറല്‍ ഹരീന്ദര്‍ സിങ് പ്രധാനമന്ത്രിയോട് കാര്യങ്ങള്‍ വിശദീകരിച്ചു. കരസേന, വ്യോമസേന, ചൈന അതിര്‍ത്തി കാക്കുന്ന ഇന്തോ-ടിബറ്റന്‍ ബോര്‍ഡര്‍ ഫോഴ്‌സ് അംഗങ്ങളുമായി പ്രധാനമന്ത്രി സംവദിച്ചു. രാജ്യം ഒറ്റക്കെട്ടായി സൈനികര്‍ക്ക് ഒപ്പമുണ്ടെന്നും രാജ്യസുരക്ഷയില്‍ ഒരു വീട്ടുവീഴ്ചയും ഉണ്ടാകാന്‍ അനുവദിക്കില്ലെന്നും അദ്ദേഹം വ്യക്തമാക്കി.  

അതിര്‍ത്തിയിലെ സംഘര്‍ഷത്തില്‍ പരുക്കേറ്റ ബിഹാര്‍ രജിമെന്റിലേയും ഘാതക് കമാന്‍ഡോ സംഘാംഗങ്ങളേയും പ്രധാനമന്ത്രി സന്ദര്‍ശിക്കും. ഒപ്പം, അതിര്‍ത്തിയില്‍ നിര്‍മിക്കുന്ന റോഡുകളുടെ സ്ഥിതിഗതികളും അദ്ദേഹം നേരിട്ട് വിലയിരുത്തുമെന്നും റിപ്പോര്‍ട്ടുണ്ട്. നിരവധി തവണ സൈനികതല ചര്‍ച്ചകള്‍ക്കു ശേഷവും അതിര്‍ത്തിയില്‍ നിന്നു ചൈനീസ് പട്ടാളം പിന്മാറാത്ത സാഹചര്യത്തില്‍ കൂടിയാണ് മോദിയുടെ ലഡാക്ക് സന്ദര്‍ശനം. ലോകാരാജ്യങ്ങളും ചൈനയും അതീവ ഗൗരവത്തോടെയാണു മോദിയുടെ ലഡാക്ക് സന്ദര്‍ശനം നോക്കിക്കാണുന്നത്. യുദ്ധസമാനമായ സാഹചര്യത്തില്‍ ഇന്ത്യന്‍ അതിര്‍ത്തിയിലെ സൈനികരുടെ ആത്മവിശ്വാസം വാനോളം ഉയര്‍ത്തുന്ന നടപടിയാണ് മോദിയുടെ ഭാഗത്തു നിന്നുണ്ടായതെന്നു സൈനിക രംഗത്തെ വിദഗ്ധര്‍ തന്നെ വിലയിരുത്തുന്നുണ്ട്. മുന്‍പ് അതിര്‍ത്തിയില്‍ ദീപാവലി ആഘോങ്ങൡ സൈനികര്‍ക്കൊപ്പം പങ്കെടുത്തിട്ടുണ്ട് മോദി.

comment

LATEST NEWS


'രാമക്ഷേത്രം ആധുനിക ഇന്ത്യയുടെ പ്രതീകം; രാമരാജ്യത്തിന്റെ ആദര്‍ശങ്ങള്‍ക്ക് സാക്ഷ്യം'; ആശംസയുമായി രാഷ്ട്രപതി രാംനാഥ് കോവിന്ദ്


ടൈംസ് സ്‌ക്വയറിലും 'ജയ് ശ്രീറാം'വിളികള്‍; ഡിസ്പ്ലേ ബോര്‍ഡുകളില്‍ രാമന്റെ 3ഡി ഛായാചിത്രങ്ങള്‍; ഭാരതത്തിന്റെ ആഘോഷത്തില്‍ പങ്കുചേര്‍ന്ന് അമേരിക്കയും


പുതിയ ഇന്ത്യയുടെ പുതിയ തുടക്കം; ആര്‍എസ്എസിന്റെ മുപ്പത് വര്‍ഷത്തെ ശ്രമം ഫലം കണ്ടു: മോഹന്‍ ഭാഗവത്


ശ്രീരാമന്‍- സംസ്‌കാരത്തിന്റെ അടിത്തറ; നാനാത്വത്തില്‍ ഏകത്വം എന്ന സത്ത: നരേന്ദ്ര മോദി


കൊറോണ ലോക്ക്ഡൗണ്‍ തളര്‍ത്തിയില്ല; ജൂണിലവസാനിച്ച ക്വാര്‍ട്ടറില്‍ 433 കോടിയുടെ വിറ്റുവരവ്; 50 കോടിയുടെ ലാഭവുമെന്ന് ജ്യാതി ലാബ്സ്


യുഎന്‍എയിലെ കോടികളുടെ സാമ്പത്തിക തട്ടിപ്പ്; ജാസ്മിന്‍ ഷായും സംഘവും അറസ്റ്റില്‍; അന്വേഷണം ശക്തമാക്കി ക്രൈംബ്രാഞ്ച്


കേരളം മുള്‍മുനയില്‍; സമ്പര്‍ക്കവും ഉറവിടവും അറിയാത്ത കേസുകളും വര്‍ധിക്കുന്നു; ഇന്ന് രോഗബാധിതരായത് 1195 പേര്‍; ഒരു ദിവസത്തെ ഏറ്റവും ഉയര്‍ന്ന കണക്ക്


ക്ലബ് കെട്ടിടത്തിന്റെ വാടകയ്ക്കായി പൊതു നിരത്തിലെ ലൈറ്റ് അഴിച്ചു വിറ്റ് സിപിഎം പ്രവര്‍ത്തകര്‍; 50000ന്റെ സോളാര്‍ലൈറ്റ് വിറ്റത് 2000 രൂപയ്ക്ക്

പ്രതികരിക്കാൻ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.