2020 ഏപ്രില് 24, ഇതിഹാസ ക്രിക്കറ്റ് താരമായ സച്ചിന് ടെണ്ടുല്ക്കറുടെ 47-ാം ജന്മദിനമായിരുന്നു. സച്ചിന് ടെണ്ടുല്ക്കറിനെക്കുറിച്ച് ഇന്ത്യയില് പ്രസിദ്ധീകരിക്കപ്പെട്ട എല്ലാ പുസ്തകങ്ങളും ശേഖരിച്ചുകൊണ്ട് ഒരു ലൈബ്രറി മലബാര് ക്രിസ്ത്യന് കോളേജില് പ്രവര്ത്തിക്കുന്നു. മലബാര് ക്രിസ്ത്യന് കോളേജിലെ പ്രധാന ലൈബ്രറിയുമായി ചേര്ന്ന് പ്രവര്ത്തിക്കുന്ന സച്ചിന്സ് ഗ്യാലറിയുടെ ഉപജ്ഞാതാവ് കോളേജിലെ ചരിത്രവിഭാഗം മേധാവി പ്രൊഫ. എം.സി. വസിഷ്ഠ് ആണ്.
സച്ചിനെക്കുറിച്ച് 11 ഭാഷകളില് പ്രസിദ്ധീകരിച്ചിട്ടുള്ള 60 പുസ്തകങ്ങള് ഈ ലൈബ്രറിയെ അലങ്കരിക്കുന്നു. മലയാളം, തമിഴ്, തെലുങ്ക്, കന്നട, ഒറിയ, ബംഗാളി, ആസാമീസ്, മറാത്തി, പഞ്ചാബി, ഹിന്ദി, ഇംഗ്ലീഷ് എന്നീ ഭാഷകളില് സച്ചിനെക്കുറിച്ചുള്ള ഗ്രന്ഥങ്ങള് ഈ ലൈബ്രറിയില് ലഭ്യമാണ്. ഇന്ത്യയെ ഒന്നിപ്പിച്ച ഒരു വികാരമാണ് സച്ചിന്. അതുകൊണ്ടുതന്നെ ഈ ലൈബ്രറി മുന്നോട്ടുവെക്കുന്ന ആശയം ‘ക്രിക്കറ്റ് ദേശീയോദ്ഗ്രഥനത്തിന്’ എന്നതാണ്.
പ്രതികരിക്കാൻ ഇവിടെ എഴുതുക: