×
login
വീണയുടേയും മുഹമ്മദ് റിയാസിന്റേയും വിവാഹത്തില്‍ കൊലക്കേസ് പ്രതിയും പങ്കെടുത്തോ? മുഖ്യമന്ത്രി വ്യക്തമാക്കണമെന്ന് സന്ദീപ് വാര്യര്‍

പരോളിലിറങ്ങിയ കൊലക്കേസ് പ്രതി വീണയുടേയും മുഹമ്മദ് റിയാസിന്റേയും വിവാഹത്തില്‍ പങ്കെടുത്തിട്ടുണ്ടോയെന്നത് സംബന്ധിച്ച് മുഖ്യമന്ത്രി വ്യക്തമാക്കണമെന്നും സന്ദീപ് വാര്യര്‍

തിരുവനന്തപുരം :  മുഖ്യമന്ത്രി പിണറായി വിജയന്റെ മകള്‍ വീണയുടേയും ഡിവൈഎഫ്‌ഐ അഖിലേന്ത്യാ പ്രസിഡന്റ് മുഹമ്മദ് റിയാസിന്റേയും വിവാഹത്തില്‍ കൊലക്കേസ് പ്രതി പങ്കെടുത്തതായി സംശയം പ്രകടിപ്പിച്ച് സന്ദീപ് വാര്യര്‍. തൃശൂരില്‍ ആര്‍എസ്എസ് പ്രവര്‍ത്തകനായിരുന്ന ഒറ്റപ്പിലാവ് സുരേഷ് ബാബുവിനെ കൊലപ്പെടുത്തിയ കേസില്‍ ശിക്ഷിക്കപ്പെട്ട പ്രതി മുഹമ്മദ് ഹാഷിം വിവാഹ ചടങ്ങില്‍ പങ്കെടുത്തതായാണ് സംശയം ഉയര്‍ന്നിരിക്കുന്നത്.  

ബിജെപി നേതാവ് സന്ദീപ് വാര്യര്‍ എഫ്ബി അക്കൗണ്ടിലൂടെയാണ് ഇക്കാര്യം അറിയിച്ചത്. അതേസമയം ആഭ്യന്തര മന്ത്രികൂടിയായ പിണറായി വിജയന്റെ ഔദ്യോഗിക വസതിയായ ക്ലിഫ് ഹൗസില്‍ വെച്ച് നടത്തിയ ചടങ്ങില്‍ മുഹമ്മദ് ഹാഷിം പങ്കെടുത്തതില്‍ സമൂഹ മാധ്യമങ്ങളില്‍ രൂക്ഷ വിമര്‍ശനമാണ് ഉയരുന്നത്. 

പരോളിലിറങ്ങിയ കൊലക്കേസ് പ്രതി വീണയുടേയും മുഹമ്മദ് റിയാസിന്റേയും വിവാഹത്തില്‍ പങ്കെടുത്തിട്ടുണ്ടോയെന്നത് സംബന്ധിച്ച് മുഖ്യമന്ത്രി വ്യക്തമാക്കണമെന്നും സന്ദീപ് വാര്യര്‍ ആവശ്യപ്പെട്ടു.  

തിങ്കളാഴ്ച രാവിലെ അടുത്ത ബന്ധുക്കളെ മാത്രം ഉള്‍ക്കൊള്ളിച്ച് ക്ലിഫ്ഹൗസില്‍ വെച്ചാണ് വീണയും റിയാസും വിവാഹിതരായത്. ഇരുവരുടേയും പുനര്‍ വിവാഹമാണ്.

Facebook Post: https://www.facebook.com/692247824150320/posts/3966752323366504/

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.