തിരുവനന്തപുരം : മുഖ്യമന്ത്രിയുടെ പ്രൈവറ്റ് സെക്രട്ടറി സ്ഥാനത്തു നിന്നും മാറ്റിയതിന് പിന്നാലെ എം. ശിവശങ്കര് അവധിയില് പ്രവേശിക്കാന് അപേക്ഷ നല്കി. ഡിപ്ലോമാറ്റിക് ബാഗേജ് വഴിയുള്ള സ്വര്ണ്ണക്കടത്ത് കേസിലെ മുഖ്യ പ്രതി സ്വപ്ന സുരേഷുമായി ഐടി സെക്രട്ടറി കൂടിയായ ശിവശങ്കറിന് അടുത്ത ബന്ധമുള്ളതായി കണ്ടെത്തിയിരുന്നു. ഇതിനെ തുടര്ന്നാണ് പ്രൈവറ്റ് സെക്രട്ടറി പദവിയില് നിന്നും നീക്കിയതോടെയാണ് അവധിയില് പ്രവേശിക്കാന് തീരുമാനിച്ചത്.
ആറ്മാസത്തേക്ക് അവധിയില് പ്രവേശിക്കാനുള്ള അനുമതി തേടിയാണ് അപേക്ഷ നല്കിയിരിക്കുന്നത്. യു.എ.ഇ. കോണ്സുലേറ്റ് സ്വര്ണക്കടത്തു കേസിലെ മുഖ്യപ്രതിയെന്ന് സംശയിക്കുന്ന സ്വപ്നയുമായി ശിവശങ്കറിന് അടുത്തബന്ധമുണ്ടെന്ന് സൂചിപ്പിക്കുന്ന നിരവധി വെളിപ്പെടുത്തലുകളുണ്ടായിരുന്നു.
ബിജെപി സംസ്ഥാന അധ്യക്ഷന് കെ.സുരേന്ദ്രനും മുഖ്യമന്ത്രിക്കും ശിവശങ്കറിനും എതിരെ കടുത്ത വിമര്ശനങ്ങളും ഉന്നയിച്ചിരുന്നു. സ്വര്ണക്കടത്തുകാര്ക്ക് മുഖ്യമന്ത്രിയുടെ ഓഫീസുമായി ബന്ധം എന്ന ആരോപണം ശക്തമാകുന്നതോടെയാണ് ശിവശങ്കറിനെ മാറ്റിനിര്ത്താന് മുഖ്യമന്ത്രി നിര്ബന്ധിതനായത്.
അതേസമയം വിഷയത്തില് ശിവശങ്കറിനെ ചോദ്യം ചെയ്യാന് കസ്റ്റംസ് തയ്യാറെടുക്കുന്നതായും റിപ്പോര്ട്ടുണ്ട്. ഇതുമായി ബന്ധപ്പെട്ട് മുഖ്യമന്ത്രി പിണറായി വിജയന് വിശദാംശം തേടിയിട്ടുണ്ട്. ആരോണങ്ങള് മുഖ്യമന്ത്രിയുടെ ഓഫീസിലേക്കും നീളാന് തുടങ്ങിയതോടെയാണ് പ്രൈവറ്റ് സെക്രട്ടറി പദവിയില് നിന്നും മാറ്റി തലയൂരാന് പിണറായി തീരുമാനിച്ചത്.
പ്രതികരിക്കാൻ ഇവിടെ എഴുതുക: