ദുബായ്: ഐസിസി ടി 20 പുരുഷ ലോകകപ്പ് മുന് നിശ്ചയിച്ച പ്രകാരം ഒക്ടോബറില് തന്നെ ഓസ്ട്രേലിയയില് നടക്കുമെന്ന് ഇന്റര് നാഷണല് ക്രിക്കറ്റ് കൗണ്സില് വ്യക്തമാക്കി.
കൊറോണ വ്യാപനത്തിന്റെ പശ്ചാത്തലത്തില് ലോകകപ്പ് മാറ്റിവയ്ക്കില്ല. സംഘാടകരായ ക്രിക്കറ്റ് ഓസ്ട്രേലിയ സ്ഥിതിഗതികള് വിലയിരുത്തിവരുകയാണ്. നിശ്ചയിച്ച സമയത്ത് തന്നെ ലോകകപ്പ് നടത്തും, ഐസിസി പ്രസ്താവനയില് അറിയിച്ചു.
നേരത്തെ നിശ്ചയിച്ച പ്രകാരം ഐസിസി ടി 20 പുരുഷ ലോകകപ്പുമായി മുന്നോട്ടുപോകുമെന്ന് ക്രിക്കറ്റ് ഓസ്ട്രേലിയയും വ്യക്തമാക്കി. ഒരുമാസത്തിനുള്ളില് എല്ലാ കായിക മത്സരങ്ങളും പുനരാരംഭിക്കാനാകുമെന്നാണ് പ്രതീക്ഷ. ഈ സാഹചര്യത്തില് ഒക്ടോബര്-നവംബര് മാസത്തിലെ ലോകകപ്പുമായി മുന്നോട്ടുപോകാനാകുമെന്ന് ക്രിക്കറ്റ് ഓസ്ട്രേലിയ ചീഫ് കെവിന് റോബര്ട്സ് പറഞ്ഞു.
ടി 20 ലോകകപ്പിന്റെ യോഗ്യതാ മത്സരങ്ങള് ഒക്ടോബര് 18 മുതല് 23 വരെയാണ് നടക്കുക. ഒക്ടോബര് 24ന് ലോകകപ്പ് ആരംഭിക്കും. മൊത്തം പന്ത്രണ്ട് ടീമുകളാണ് ലോകകപ്പില് മത്സരിക്കുക. ഏഴു വേദികളിലായി മത്സരങ്ങള് അരങ്ങേറും. ഫൈനല് മത്സരം നവംബര് പതിനഞ്ചിന് മെല്ബണ് ക്രിക്കറ്റ് ഗ്രൗണ്ടില് നടക്കും.
പ്രതികരിക്കാൻ ഇവിടെ എഴുതുക: