മട്ടാഞ്ചേരി: കൊറോണ ബാധിച്ച് മരിച്ച തോപ്പുംപടി സ്വദേശി യൂസഫ് സൈഫുദീന്റെ സംസ്കാരം കനത്ത സുരക്ഷ വലയത്തില് നടന്നു. തോപ്പുംപടി ബിഓടി പാലത്തിന് സമീപത്തുള്ള ബോറ മുസ്ലീം കബറിടത്തില് ഉച്ചയ്ക്ക് ഒരു മണിയോടെയായിരുന്നു സംസ്കാരം.
രാവിലെ മുതല് ബിഓടി പാലത്തിന്റെ ഇരുവശത്തും പോലീസ് നിയന്ത്രണത്തിലായിരുന്നു. ഉച്ചയ്ക്ക് 12നായിരുന്നു സംസ്കാരം. ഇതിനകം പ്രദേശമാകെ പോലീസ് ആരോഗ്യ വകുപ്പധികൃതരുടെ വലയത്തിലായി. മാധ്യമ പ്രവര്ത്തകര്ക്ക് പോലും മീറ്ററുകള്ക്ക് അകലെ മാത്രമേ അനുവാദമുണ്ടായിരുന്നുള്ളൂ.
12.30ഓടെ എത്തിയ അംബുലന്സില് നിന്ന് സുരക്ഷ പ്രവര്ത്തകര് മൃതദേഹവുമായി കബര്സ്ഥാനിലെത്തി. തുടര്ന്ന് കോഷ്മയുടെ നേതൃത്വത്തില് മയ്യത്ത് പ്രാര്ത്ഥന നടത്തി. സേവാ പ്രവര്ത്തകരായ കബീര്, സുബൈര്, സലീം, ഷമീര്, ഈസ എന്നിവര് ചടങ്ങുകള്ക്ക് നടത്തി. ജില്ലാ ഹെല്ത്ത് ഓഫീസര് പി. ശ്രീനിവാസന്, മരുമകന് ഉസൈബ, കുത്തബ്ദ്ദീന് എന്നിവര് പങ്കെടുത്തു. ബന്ധുക്കള് വീട്ടിലിരുന്ന് പ്രാര്ത്ഥന നടത്തി.
പ്രതികരിക്കാൻ ഇവിടെ എഴുതുക: