login
തെയ്യം സ്‌റ്റേജിലെത്തും, പച്ചമണ്ണ് ടൈലുകള്‍ കൊണ്ട് മൂടും, തെക്കുംമ്പാട് ദ്വീപ് കാത്തിരിക്കുന്നുത് ടൂറിസം ദുരന്തത്തെ

കഴിഞ്ഞദിവസം ഇവിടെ തെയ്യം ക്രൂയിസ് എന്ന ഉപപദ്ധതിക്ക് തറക്കല്ലിട്ടു. വളപട്ടണത്ത് നിന്ന് തെക്കുമ്പാട് ദ്വീപിലൂടെ പഴയങ്ങാടി വരെ നദീയാത്ര ഒരുക്കുന്ന ടൂറിസം പാക്കേജാണ് നടപ്പാക്കുന്നത്. ഈ പദ്ധതി നടപ്പാകുന്നതോടെ തീരദേശ നിയന്ത്രണ മേഖല ഒന്ന് (എ) ല്‍ പെടുന്ന ഈ പരിസ്ഥിതി ദുര്‍ബലപ്രദേശം നാമാവശേഷമാകും.

കണ്ണൂര്‍: പ്രകൃതിയുടെ വരദാനമായ തെക്കുമ്പാട് ദ്വീപിനെ കാത്തിരിക്കുന്നത് ടൂറിസം വികസനത്തിന്റെ മറവിലുള്ള വന്‍ദുരന്തം. കേന്ദ്ര സര്‍ക്കാരിന്റെ സ്വദേശ് ദര്‍ശന്‍ സ്‌കീം അനുസരിച്ച് സംസ്ഥാന സര്‍ക്കാര്‍ നടപ്പാക്കുന്ന മലബാര്‍ റിവര്‍ ക്രൂയിസ് ടൂറിസം പദ്ധതിയാണ് കണ്ണൂര്‍ ചെറുകുന്നിനടുത്തുള്ള തെക്കുമ്പാട് ദ്വീപില്‍ നടപ്പാക്കുന്നത്. 

അത്യപൂര്‍വ്വമായ ആവാസവ്യവസ്ഥയോടു കൂടിയ, ജൈവവൈവിധ്യങ്ങളുടെ കലവറയായ ഈ ദ്വീപ് അനുഷ്ഠാനവൈവിധ്യങ്ങളാല്‍  വേറിട്ടു നില്‍ക്കുന്ന ഒരു സംസ്‌കൃതിയുടെ രംഗഭൂമി കൂടിയാണ്. കഴിഞ്ഞദിവസം ഇവിടെ തെയ്യം ക്രൂയിസ് എന്ന ഉപപദ്ധതിക്ക് തറക്കല്ലിട്ടു. വളപട്ടണത്ത് നിന്ന് തെക്കുമ്പാട് ദ്വീപിലൂടെ പഴയങ്ങാടി വരെ നദീയാത്ര ഒരുക്കുന്ന ടൂറിസം പാക്കേജാണ് നടപ്പാക്കുന്നത്. ഈ പദ്ധതി നടപ്പാകുന്നതോടെ തീരദേശ നിയന്ത്രണ മേഖല ഒന്ന് (എ) ല്‍ പെടുന്ന ഈ പരിസ്ഥിതി ദുര്‍ബലപ്രദേശം നാമാവശേഷമാകും. ഒപ്പം വടക്കേമലബാറിന്റെ ജനകീയാനുഷ്ഠാനമായ തെയ്യം വിനോദസഞ്ചാരികളുടെ മുന്നില്‍ കേവലം കെട്ടുകാഴ്ചയായി മാറുകയും ചെയ്യും.

7.64 കോടി രൂപയുടെ പ്രവൃത്തികള്‍ക്കാണ് തെക്കുമ്പാട് ദ്വീപില്‍ തുടക്കമിട്ടിരിക്കുന്നത്. തെയ്യത്തെ സ്റ്റേജിലെത്തിക്കുന്ന തെയ്യം പെര്‍ഫോമിങ് യാര്‍ഡ്, രണ്ടര കിലോമീറ്റര്‍ സൈക്കിള്‍ പാത്ത്, പാര്‍ക്കിംഗ് ഗ്രൗണ്ട്, കഫ്‌റ്റേരിയകള്‍, വിശ്രമകേന്ദ്രങ്ങള്‍, ഫിഷിംഗ് സ്‌പോട്ടുകള്‍, ശുചിമുറികള്‍ തുടങ്ങിയവ പണിയാനുള്ള രൂപരേഖയായിക്കഴിഞ്ഞു. ദ്വീപിന് ചുറ്റും രണ്ടര കിലോമീറ്റര്‍ നീളത്തില്‍ മണ്ണിട്ട് ബണ്ട് നിര്‍മ്മിച്ച് അതിനു മേല്‍ ഇന്റര്‍ലോക്ക് പാകിക്കൊണ്ടാണ് സൈക്കിള്‍ പാത്ത് നിര്‍മ്മിക്കുന്നത്. ഇത്തരം പ്രവര്‍ത്തികള്‍ നടത്താന്‍ ഈ പരിസ്ഥിതിലോല മേഖലയില്‍ നടത്താന്‍ അനുവാദമില്ല എന്നറിഞ്ഞുകൊണ്ടാണ് അധികൃതര്‍ ഈ പദ്ധതിയുമായി മുന്നോട്ടു പോകുന്നത്.

തെയ്യാരധാനസമ്പ്രദായത്തിലെ ഒരേയൊരു സ്ത്രീത്തെയ്യമായ (സ്ത്രീകള്‍ തെയ്യക്കോലം ധരിക്കുന്ന) ദേവക്കൂത്ത് എന്ന അനുഷ്ഠാനം നടക്കുന്നത് തെക്കുമ്പാട് താഴേക്കാവില്‍ മാത്രമാണ്. രണ്ട് വര്‍ഷം കൂടുമ്പോള്‍ നടക്കുന്ന ഈ അനുഷ്ഠാനത്തെയും ഈ പദ്ധതി ബാധിക്കുമെന്നാണ് കോലധാരികളുടെ സംഘടനകള്‍ പറയുന്നത്. യാതൊരു പാരിസ്ഥിതിക ജാഗ്രതയുമില്ലാതെ നടപ്പാക്കുന്ന പദ്ധതിക്കെതിരെ പരിസ്ഥിതി സംഘടനകളും തെയ്യാട്ടസംസ്‌കൃതിയെ അവമതിക്കുന്നതിനെതിരെ സാംസ്‌കാരിക സംഘടനകളും രംഗത്തെത്തിയിട്ടുണ്ട്.
 

comment

LATEST NEWS


സ്വപ്ന ഉന്നതരുടെ പ്രിയങ്കരി


സ്വര്‍ണക്കടത്തില്‍ മുഖ്യമന്ത്രിയുടെ ഓഫീസിനു ബന്ധം; മുഖ്യ ആസൂത്രക സ്വപ്‌ന സുരേഷിന് ഐടി വകുപ്പില്‍ ജോലി നല്‍കിയത് നിയമങ്ങള്‍ ലംഘിച്ച്


പ്രൈവറ്റ് സെക്രട്ടറി സ്ഥാനത്ത് നിന്ന് നീക്കിയതോടെ ആറ് മാസത്തെ അവധിക്ക് അപേക്ഷിച്ച് ശിവശങ്കര്‍; കസ്റ്റംസ് ചോദ്യം ചെയ്യുമെന്ന് സൂചന


ഓരോ മാസവും കടത്തുന്നത് കോടികളുടെ സ്വര്‍ണം; ഒരു തവണ കുറഞ്ഞത് 40 കിലോ; കാര്‍ഗോ വഴി മാത്രം പ്രതിമാസം പത്തില്‍ കുറയാതെ കടത്ത്


തൃശൂര്‍ റൗണ്ടിലേക്കുള്ള സ്വകാര്യ ബസുകളുടെ പ്രവേശനത്തില്‍ അവ്യക്തത: ദുരിതം പേറി യാത്രക്കാര്‍


കുടിപ്പക: തൃശൂരില്‍ വീണ്ടും ഗുണ്ടകളുടെ ചേരിപ്പോര്, കഞ്ചാവ്-ക്വട്ടേഷന്‍ മാഫിയാ സംഘം സജീവമാകുന്നു


ധൈര്യമായി യാത്ര ചെയ്യാം, ഈ വണ്ടിയില്‍ കൊറോണ കേറില്ല...!


സമ്പര്‍ക്കപാതയെന്ന് സംശയം; ആഞ്ഞിലിമൂട് മാര്‍ക്കറ്റില്‍ പോലീസ് ലാത്തിവീശി, പ്രദേശവാസികള്‍ പ്രതിഷേധത്തില്‍

പ്രതികരിക്കാൻ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.