login
മുംബൈയ്‌ക്കെതിരേ വെടിക്കെട്ട് പ്രകടനം;ദല്‍ഹിക്കെതിരേ പൂജ്യത്തിനു പുറത്ത്;അസറുദ്ദീനെ പിണറായി അഭിനന്ദിച്ച സന്ദേശം വൈറല്‍; ട്രോളുമായി ശ്രീജിത് പണിക്കരും

ഇന്നു ദല്‍ഹിക്കെതിരേ നടന്ന മത്സരത്തില്‍ നേരിട്ട ആദ്യ പന്തില്‍ തന്നെ അസറുദ്ദീന്‍ പുറത്തായി. ഇഷാന്ത് ശര്‍മയുടെ പന്തില്‍ അനുജ് റാവത്തിനു ക്യാച്ച് നല്‍കിയാണ് അസര്‍ പുറത്തായത്. അസര്‍ പുറത്തായതിനു പിന്നാലെ സോഷ്യല്‍മീഡിയയില്‍ അസറിനെ പ്രശംസിച്ച് മുഖ്യമന്ത്രി പിണറായി വിജയന്‍ കഴിഞ്ഞ ദിവസം ഫേസ്ബുക്കില്‍ കുറിച്ച അഭിനന്ദന സന്ദേശം വൈറലാവുകയായിരുന്നു.

തിരുവനന്തപുരം: സയിദ് മുഷ്താഖ് അലി ക്രിക്കറ്റ് ടൂര്‍ണമെന്റില്‍ മിന്നുന്ന ഫോമില്‍ വെടിക്കെട്ട് പ്രകടനമായിരുന്നു കേരള താരം മുഹമ്മദ് അസറുദ്ദീന്റേത്. മുഹമ്മദ് അസറുദ്ദീന്റെ കരിയറിലെ ആദ്യ സെഞ്ചുറിയാണ് അന്നു പിറന്നത്. 37 പന്തില്‍ നിന്നായിരുന്നു നേട്ടം. സെയിദ് മുഷ്താഖ് അലി ട്രോഫിയില്‍ ഒരു കേരളതാരം നേടുന്ന ആദ്യ സെഞ്ചുറിയാണ് മുഹമ്മദ് അസറുദ്ദീന്‍ നേടിയത്.54 പന്തില്‍ നിന്ന് 9 ഫോറും 11 സിക്‌സറും ഉള്‍പ്പെടെ 137 റണ്‍സോടെ പുറത്താവാതെ നിന്നു. ട്വന്റി 20 കരിയറില്‍ അസറുദ്ദീന്റെ ഉയര്‍ന്ന സ്‌കോറാണിത്.

എന്നാല്‍, ഇന്നു ദല്‍ഹിക്കെതിരേ നടന്ന മത്സരത്തില്‍ നേരിട്ട ആദ്യ പന്തില്‍ തന്നെ അസറുദ്ദീന്‍ പുറത്തായി. ഇഷാന്ത് ശര്‍മയുടെ പന്തില്‍ അനുജ് റാവത്തിനു ക്യാച്ച് നല്‍കിയാണ് അസര്‍ പുറത്തായത്. അസര്‍ പുറത്തായതിനു പിന്നാലെ സോഷ്യല്‍മീഡിയയില്‍ അസറിനെ പ്രശംസിച്ച് മുഖ്യമന്ത്രി പിണറായി വിജയന്‍ കഴിഞ്ഞ ദിവസം ഫേസ്ബുക്കില്‍ കുറിച്ച അഭിനന്ദന സന്ദേശം വൈറലാവുകയായിരുന്നു.  

സയ്യിദ് മുഷ്താഖ് അലി ട്വന്റി-ട്വന്റി ടൂര്‍ണമെന്റില്‍ മുംബൈക്കെതിരെ മികച്ച പ്രകടനം കാഴ്ച വച്ച മുഹമ്മദ് അസ്ഹറുദ്ദീനെ ഹാര്‍ദ്ദമായി അഭിനന്ദിക്കുന്നു. വളരെ കുറച്ചു പന്തുകള്‍ നേരിട്ടു കൊണ്ട് അദ്ദേഹം നേടിയ സെഞ്ച്വറി കേരളത്തിനു തിളക്കമാര്‍ന്ന വിജയമാണ് സമ്മാനിച്ചത്. സ്ഥിരതയോടെ മികവുറ്റ രീതിയില്‍ മുന്നോട്ടു പോകാന്‍ അദ്ദേഹത്തിനു സാധിക്കട്ടെ. അഭിമാനാര്‍ഹമായ വിജയം കരസ്ഥമാക്കിയ കേരള ക്രിക്കറ്റ് ടീമിനും അഭിനന്ദനങ്ങള്‍. കൂടുതല്‍ ഉയരങ്ങള്‍ കീഴടക്കാന്‍ ഈ ജയം പ്രചോദനമാകട്ടെ എന്നാശംസിക്കുന്നു എന്നായിരുന്നു മുഖ്യമന്ത്രിയുടെ സന്ദേശം.  

അസറുദ്ദീന്‍ പുറത്തായതിനു പിന്നാലെ സംവാദകന്‍ ശ്രീജിത് പണിക്കരും ട്രോളുമായി രംഗത്തെത്തി. ജൂനിയര്‍ മാന്‍ഡ്രേക്ക് ചിത്രത്തില്‍ ജഗദീഷ് മാന്‍ഡ്രേക്കിന്റെ പ്രതിമയുമായി നില്‍ക്കുന്ന ചിത്രത്തിനൊപ്പമാണ് ട്രോള്‍. മുഹമ്മദ് അസ്ഹറുദ്ദീന്‍.ആദ്യ കളി: 37 പന്തില്‍ 100 റണ്‍സ്.അതാ വരുന്നു പ്രമുഖന്റെ ആശംസ.രണ്ടാമത്തെ കളി: ആദ്യ പന്തില്‍ ഡക്ക്. ഇതെങ്ങനെ സാധിക്കുന്നു അണ്ണാ എന്നായിരുന്നു പരോക്ഷമായി പിണറായി ലക്ഷ്യമിട്ടുള്ള ട്രോള്‍.  

 

 

 

 

 

 

    comment

    LATEST NEWS


    കായംകുളം താപനിലയം: സൗരവൈദ്യുത പദ്ധതി ഒക്ടോബറില്‍ കമ്മീഷന്‍ ചെയ്യും


    ഇന്ത്യയില്‍ കോവിഡ് വാക്‌സിന്‍ വികസിപ്പിക്കുന്നവരെ നോട്ടമിട്ട് ചെനയുടെയും റഷ്യയുടെയും ഹാക്കര്‍മാര്‍; ലക്ഷ്യം ഗവേഷണ, ക്ലിനിക്കല്‍ പരീക്ഷണ വിവരങ്ങള്‍


    തപസ്യ സംസ്ഥാന വാര്‍ഷികോത്സവം നാളെ; സംവിധായകന്‍ രണ്‍ജി പണിക്കര്‍ ഉദ്ഘാടനം ചെയ്യും


    എല്‍ഡിഎഫ് ജാഥാ ക്യാപ്റ്റന്‍ ബിനോയ് വിശ്വത്തിന് കോവിഡ് സ്ഥിരീകരിച്ചു; ഇന്നലെ പുത്തിരിക്കണ്ടത്ത് വേദി പങ്കിട്ടത് പിണറായി അടക്കം നൂറോളം പേര്‍ക്കൊപ്പം


    ചിഹ്നം അരിവാള്‍ ചുറ്റിക കൈപ്പത്തി; കോണ്‍ഗ്രസ്-സിപിഎം സഖ്യവും ധാരണയും നാലിടത്ത് പരസ്യം, കേരളത്തില്‍ രഹസ്യം


    ഭക്തിയുടെ നിറവില്‍ ആറ്റുകാല്‍; ക്ഷേത്രം കീഴ്ശാന്തി പണ്ടാര അടുപ്പില്‍ തീപകര്‍ന്ന് പൊങ്കാലയ്ക്ക് തുടക്കമിട്ടു, നിവേദ്യം ഉച്ചപൂജയ്ക്ക് ശേഷം


    അസം: കോണ്‍ഗ്രസ് ഭരണത്തില്‍ നുഴഞ്ഞുകയറ്റവും വിഘടന വാദവും തളിര്‍ത്തു; വലിയ ജനകീയ അടിത്തറയുടെ പിന്‍ബലം സ്വന്തമാക്കി ബിജെപി


    ബംഗാള്‍ പരിവര്‍ത്തനത്തിന്റെ പാതയില്‍; മമത പരിഭ്രാന്തിയില്‍; നുഴഞ്ഞുകയറ്റക്കാരെ മുഴുവന്‍ പുറത്താക്കുമെന്ന് ബിജെപി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.